កិច្ចប្រជុំពិសេសលើកទី២ (GBC) នឹងរៀបចំឡើងនៅថ្ងៃទី២៣តុលាខាងមុខ នៅទីក្រុងគូឡាឡាំពួរ ប្រទេសម៉ាឡេស៊ី
កិច្ចប្រជុំពិសេសលើកទី២ (GBC) នឹងរៀបចំឡើងនៅថ្ងៃទី២៣តុលាខាងមុខ នៅទីក្រុងគូឡាឡាំពួរ ប្រទេសម៉ាឡេស៊ី
យោងតាមការបង្ហោះផ្សាយនៅលើបណ្តាញសង្គមរបស់ឯកឧត្តម ទៀ សីហា ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិនៅថ្ងៃទី២២ ខែតុលា ឆ្នាំ២០២៥ បានឲ្យដឹងថា ភាគីកម្ពុជានិងភាគីថៃនឹងរៀបចំកិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ (GBC) នៅថ្ងៃទី២៣ ខែតុលា ឆ្នាំ២០២៥ នៅទីក្រុងគូឡាឡាំពួរ ប្រទេសម៉ាឡេស៊ី។
កម្ពុជារំពឹងយ៉ាងមុតមាំថា ភាគីទាំងពីរនឹងអាចពិភាក្សាគ្នាក្នុងបរិយាកាសមិត្តភាព ការស្ថាបនា និងប្រកបដោយសុឆន្ទៈខ្ពស់ លើបញ្ហាអាទិភាពទាំងឡាយ ដោយគោរពយ៉ាងខ្ជាប់ខ្ជួនតាមស្មារតីនៃកិច្ចព្រមព្រៀងដែលភាគីទាំងពីរសម្រេចកន្លងមក ជាពិសេសពាក់ព័ន្ធនឹងការកែសម្រួលនូវយុទ្ធោបករណ៍និងសម្ភារយោធាធុនធ្ងន់ ដែលត្រូវអនុវត្តនៅក្រោមការត្រួតពិនិត្យនិងផ្ទៀងផ្ទាត់ពីក្រុមអ្នកសង្កេតការណ៍អាស៊ាន (AOT)។ ចំពោះបញ្ហាផ្សេងទៀតដូចជាការដោះមីនមនុស្សធម៌, កិច្ចសហប្រតិបត្តិការដើម្បីទប់ស្កាត់និងបង្ក្រាបបទល្មើសឆ្លងដែនរួមបញ្ចូលទាំងការឆបោកតាមប្រព័ន្ធបច្ចេកវិទ្យា សង្ឃឹមថាកិច្ចពិភាក្សារវាងភាគីទាំងពីរនឹងទទួលបានលទ្ធផលជាវិជ្ជមាន។
ក្នុងន័យនេះ កម្ពុជាជឿជាក់ថាកិច្ចប្រជុំពិសេសលើកទី២ នៃគណៈកម្មាធិការព្រំដែនទូទៅ (GBC) នឹងទទួលបានលទ្ធផលជាផ្លែផ្កា និងចូលរួមចំណែកទៅដល់ការលើកកម្ពស់សន្តិភាព កិច្ចសហប្រតិបត្តិការ ការអភិវឌ្ឍ និងការវិលត្រឡប់ទៅរកប្រក្រតីភាពឡើងវិញបានឆាប់រហ័ស៕
Cambodia and Thailand will organize the 2nd Special General Border Committee (GBC) Meeting on October 23, 2025, in Kuala Lumpur, Malaysia. Cambodia strongly anticipates that both sides will be able to discuss in a friendly and constructive environment with a high sense of good faith on priority issues, while strictly adhering to the spirit of previous agreements; in particular, the removal of heavy and destructive weapons and equipment, which shall be implemented under the observation and verification of the ASEAN Observer Team (AOT).
Concerning other matters, such as humanitarian demining, the cooperation to prevent and combat transnational crimes, which include online scams, it is anticipated that the discussions between both parties will yield positive results.
In this spirit, Cambodia firmly believes that the 2nd Special GBC Meeting will yield fruitful outcomes and contribute to promoting peace, cooperation, development, and the swift return to normalcy.
