លោកនី រតនា ញញឹមបិទមាត់មិនជិត ពេលទទួលបានកូនភ្លោះស្រី-ប្រុសមួយគូដ៏ស្រស់ស្អាត
លោកនី រតនា ញញឹមបិទមាត់មិនជិត ពេលទទួលបានកូនភ្លោះស្រី-ប្រុសមួយគូដ៏ស្រស់ស្អាត
រំភើបជំនួសតារាចម្រៀងសំនៀងផ្អែម នី រតនា ទទួលបានសមាជិកកូនភ្លោះស្រី-ប្រុស កាលពីរសៀលម្សិលមិញនេះ។ ពេលនេះគ្រួសារ នី រតនា បានក្លាយជាគ្រួសារធំ ដែលមានសមាជិក ៥ នាក់ ប៉ា ១ ម៉ាក់ ១ អូនមែល អូនអ៊ែល និងអូនអ៊ែន ។
នាថ្ងៃទី៣០ ខែកិម្ភៈ ឆ្នាំ២០២៤ ភរិយាតារាចម្រៀង នី រតនា បានប្រសូតបុត្រភ្លោះស្រីប្រុសដ៏គួរស្រលាញ់ ធ្វើឱ្យប៉ាៗរូបសង្ហាញញឹមបិទមាត់មិនជិតនោះទេ ជាពិសេសពេលដែលបានឃើញវត្តមានកែវភ្នែកទាំងគូរបស់លោកបានមកឃើញពិភពលោកដ៏សែនស្រស់ស្អាតមួយនេះ។ នី រតនា បានដាក់ឈ្មោះកូនស្រីរបស់លោកថា នីវណ្ណ អ៊ែលឡូឌី ហៅ អ៊ែល និងកូនប្រុស នីវណ្ណ អ៊ែនដូនី ហៅ អ៊ែន។
បន្ថែមពីលើក្ដីរំភើបតារាចម្រៀងប្រុសរូបនេះក៏បានបង្ហើបប្រាប់ពីស្ថានភាពសុខភាពភរិយារបស់លោកក្រោយសម្រាលផងដែរថាពេលនេះអ្នកម៉ាក់ និងកូនភ្លោះទាំងពីរមានសុវត្ថិភាព និងមានសុខភាពល្អ។ ស្របជាមួយគ្នាដែរមិត្តអ្នកសិល្បករក៏ដូចជាសាច់ញាតិ និងហ្វេនៗក៏បានចូលរួមអបអរសាទរតារាចម្រៀង នីរតនា និងភរិយាចំពោះការទទួលបានសមាជិកភ្លោះដ៏ស្រស់ស្អាតផងដែរ៕
