សម្តេចតេជោ ហ៊ុន សែន៖ ដោយសារការជ្រៀតជ្រែកពីបរទេសមួយចំនួន ទើបធ្វើឱ្យខ្មែរស្លាប់រាប់លាននាក់
សម្តេចតេជោ ហ៊ុន សែន៖ ដោយសារការជ្រៀតជ្រែកពីបរទេសមួយចំនួន ទើបធ្វើឱ្យខ្មែរស្លាប់រាប់លាននាក់
នៅក្នុងពិធីសម្ពោធអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ នាព្រឹកថ្ងៃអង្គារ ទី២៣ ខែឧសភា ឆ្នាំ២០២៣ សម្តេចតេជោ ហ៊ុន សែន បានថ្លែងថា ដោយសារតែមានការជ្រៀតជ្រែកពីបរទេសកាលពីអតីតកាលនេះហើយ ទើបធ្វើឱ្យប្រជាជនខ្មែរ ស្លាប់អស់រាប់លាននាក់។
សម្តេចតេជោ ហ៊ុន សែន បានគូសបញ្ជាក់ថា «ហេតុអ្វីបានជាចូលចិត្តជ្រៀតជ្រែកកិច្ចការផ្ទៃក្នុងរបស់ប្រទេសរដ្ឋអធិបតេយ្យមួយម៉្លេះ សុំមើលកម្ពុជាឱ្យឆ្ងាយជាងកម្ពុជា ព្រោះកម្ពុជាមានសិទ្ធិតួនាទីនៅក្នុងអាស៊ាន»។
សម្តេចតេជោ ហ៊ុន សែន ក៏បានគូសបញ្ជាក់ថា ដោយសារជ្រៀតជ្រែកផ្ទៃក្នុងកម្ពុជា បរទេសមួយចំនួន បានគាំទ្ររដ្ឋប្រហារយោធារបស់ លន់ នល់ និងគាំទ្រកៅអីខ្មែរក្រហមនៅអង្គការសហប្រជាជាតិ ដែលធ្វើឱ្យខ្មែរស្លាប់បាត់បង់ជីវិតជាច្រើន ហើយពួកគេមិនដែលសម្តែងការសោកស្តាយសោះឡើយ៕
