សម្តេចធិបតី ហ៊ុន ម៉ាណែត៖ នៅពេលទើបចេញពីរបបប្រល័យពូជសាសន៍ ប៉ុល ពត ជម្រើសនិងលទ្ធភាពក្នុងការទទួលបានការអប់រំបែបសម្ភារៈនិយម មិនទាន់មានច្រើនទេ
សម្តេចធិបតី ហ៊ុន ម៉ាណែត៖ នៅពេលទើបចេញពីរបបប្រល័យពូជសាសន៍ ប៉ុល ពត ជម្រើសនិងលទ្ធភាពក្នុងការទទួលបានការអប់រំបែបសម្ភារៈនិយម មិនទាន់មានច្រើនទេ
សម្តេចធិបតី ហ៊ុន ម៉ាណែត បានថ្លែងថា នៅពេលដែលប្រទេសយើងលំបាក នៅពេលយើងទើបចេញពីរបបប្រល័យពូជសាសន៍ ប៉ុល ពត ពេលដែលប្រទេសយើងនៅក្រីក្រនៅឡើយ ជម្រើសនិងលទ្ធភាពក្នុងការទទួលបានការអប់រំ ឬការទទួលបានលទ្ធភាពបែបសម្ភារៈនិយម នៅមិនទាន់មានច្រើននៅឡើយទេ។ សម្តេចបានបន្តថា ប៉ុន្តែបច្ចុប្បន្ននេះ ដោយសារការរីកចម្រើន និងចរន្តនៃសាកលភាវូបនីយកម្ម យុវជនមានជម្រើសច្រើនក្នុងការទទួលបានការអប់រំ ទាំងល្អ ទាំងអាក្រក់ ដូច្នេះ ការសម្រេចចិត្តរបស់យុវជននិងប្រជាពលរដ្ឋយើង ថាតើត្រូវទទួលយកអ្វី ឬប្រតិបត្តិអ្វីល្អ អ្វីអាក្រក់ គឺសំខាន់ណាស់។
សម្តេចធិបតី ហ៊ុន ម៉ាណែត បានថ្លែងដូចនេះនៅព្រឹកថ្ងៃទី១៧ ខែវិច្ឆិកា ឆ្នាំ២០២៣ ក្នុងឱកាសអញ្ជើញស្រោចស្រពសុគន្ធវារីប្រគេនព្រះមន្រ្តីសង្ឃជាន់ខ្ពស់ គណៈមហានិកាយនៃព្រះរាជាណាចក្រកម្ពុជាចំនួន១១អង្គ ដែលពីធីនេះប្រារពឡើង នៅវត្តមុនីសុវណ្ណ (ហៅវត្តចំពុះក្អែក) ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
សម្តេចធិបតី ហ៊ុន ម៉ាណែត បានគូសបញ្ជាក់ថា នៅក្នុងសម័យទំនើបនេះ យើងមានជម្រើសច្រើន ជាពិសេសសម្រាប់យុវជន យុវនារី និងសម្រាប់កុមារ ដែលនឹងក្លាយទៅជាសសរទ្រូងសម្រាប់ប្រទេសជាតិយើង៕
