សម្តេចតេជោទម្លាយឱ្យដឹងថា ផែនការបង្ហោះដ្រូនចង់ធ្វើឃាតសម្តេចនៅតាខ្មៅត្រូវបរាជ័យ
សម្តេចតេជោទម្លាយឱ្យដឹងថា ផែនការបង្ហោះដ្រូនចង់ធ្វើឃាតសម្តេចនៅតាខ្មៅត្រូវបរាជ័យ
នៅក្នុងពិធីកាត់ខ្សែបូសម្ពោធឆ្លងអគារសិក្សា និងសមិទ្ធផលនានា នៅបរិវេណវត្តព្រះឥន្ទសាមគ្គីធម៌ ភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល នាព្រឹកថ្ងៃទី១១ ខែុកុម្ភៈ ឆ្នាំ២០២៥ នេះ សម្តេចតេជោ ហ៊ុន សែន ប្រធានព្រឹទ្ធសភា បានផ្តាំផ្ញើទៅក្រុមអ្នកដែលបានរៀបចំផែនការបង្ហោះដ្រូនចូលភូមិគ្រឹះរបស់សម្ដេចនៅក្រុងតាខ្មៅថា ពួកគេបានបរាជ័យហើយ។
សម្ដេចតេជោបានបន្តថា អ្នកឯងត្រូវដឹងថា គ្រាន់តែបាត់ខ្លួនមនុស្សម្នាក់ចេញពីតាកែវដើម្បីត្រៀមបង្ហោះដ្រូន ក៏ត្រូវបានសម្ដេចដឹងជាមុនដែរ ពោលគឺឱ្យតែពាក់ព័ន្ធនឹងសន្តិសុខជាតិ គឺសម្ដេចតែងតែទទួលបានព័ត៌មានមុនជានិច្ច ដូច្នេះសូមកុំគិតចង់ប្រហារជីវិតរបស់ខ្ញុំឱ្យសោះ។
សម្ដេចតេជោបានសង្កត់ធ្ងន់ថា នេះជាអំពើភេវរកម្ម ហេតុដូច្នេះសូមបរទេសទាំងឡាយប្រយ័ត្នប្រយែង ទៅលើការគាំទ្រទាំងឡាយ និងមិនត្រូវលូកលាន់ចូលកិច្ចការផ្ទៃក្នុងរបស់កម្ពុជាដាច់ខាត ព្រោះថាបើពួកគេគាំទ្រពួកនេះ គឺមានន័យស្មើនឹងគាំទ្រអំពើភេវរកម្ម៕
