សម្តេចធិបតី ហ៊ុន ម៉ាណែត លើកទឹកចិត្តចំពោះចលនាគាំទ្រផលិតផលខ្មែរយើង
សម្តេចធិបតី ហ៊ុន ម៉ាណែត លើកទឹកចិត្តចំពោះចលនាគាំទ្រផលិតផលខ្មែរយើង
សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា សម្តេចមានការរីក រាយដែលបានឃើញមានការគាំទ្រចំពោះចលនាគាំទ្រផលិតផលខ្មែរយើង ស្របពេលដែលកម្ពុជា បានបិទការ នាំចូលបន្លែ ផ្លែឈើពីប្រទេសថៃ។
ក្នុងពិធីបិទកិច្ចប្រជុំគណៈកម្មាធិការកណ្តាលសហភាពសហព័ន្ធយុវជនកម្ពុជា ដែលប្រារព្ធនៅខេត្តសៀមរាប នៅព្រឹកថ្ងៃចន្ទ ទី២៣ ខែមិថុនា ឆ្នាំ២០២៥ សម្តេចធិបតី ហ៊ុន ម៉ាណែត ក៏បានអំពាវនាវដល់ អ្នកដាំបន្លែ ផ្លែឈើ និងអ្នកផលិតក្នុងស្រុក កុំឆ្លៀតឱកាសដំឡើងថ្លៃឱ្យសោះក្នុងឱកាសនេះផងដែរ។
សម្តេចធិបតី ហ៊ុន ម៉ាណែត បានគូសបញ្ជាក់ថា ការបង្ហាញការគាំទ្រចំពោះផលិតផលខ្មែរយើង គឺជាស្មារតីខ្មែរជួយខ្មែរក្នុងគ្រាលំបាក ដោយយើងត្រូវធ្វើពិពិធកម្មទីផ្សារក្នុងស្រុក ដោយមិនចាំបាច់ពឹងដង្ហើមគេដក៕
