ដារាចម្រៀងលោក! សុវត្ថិ មុនីវណ្ណ ត្រៀមទម្លាក់អាល់ប៊ុមថ្មី ជាកាដូជូនហ្វេនក្នងឆ្នាំ ២០២៤

ដារាចម្រៀងលោក! សុវត្ថិ មុនីវណ្ណ ត្រៀមទម្លាក់អាល់ប៊ុមថ្មី ជាកាដូជូនហ្វេនក្នងឆ្នាំ ២០២៤

កំលោះសង្ហា សុវត្ថិ មុនីវណ្ណ កូនប្រុសច្បងរបស់កំពូលតារាចម្រៀង ព្រាប សុវត្ថិ បានប្រកាសឱ្យដឹងនៅលើឆាកប្រគំតន្ត្រីដ៏ធំមួយ ក្នុងរាត្រីឆ្លងឆ្នាំថា សម្រាប់ឆ្នាំថ្មីនេះ លោកមានគម្រោងការងារថ្មីច្រើន ហើយក៏មានបទចម្រៀងថ្មីត្រៀមទម្លាក់លើទីផ្សារផងដែរ។ រៀបរាប់ដោយក្តីរំភើប ម្ចាស់បទ «Don’t Compare» លើកឡើងថា លោកមានបទចម្រៀងថ្មីច្រើន ត្រៀមបញ្ចេញ​ឲ្យ​អ្នក​គាំទ្រស្ដាប់​កម្សាន្រ ហើយក៏នឹងមានអាល់ប៊ុមចម្រៀងថ្មីទម្លាក់លើទីផ្សារក្នុងឆ្នាំ​នេះ ដើម្បីទាញយកប្រជាប្រិយភាពបន្ថែមទៀតផង។ កូនច្បងម្ចាស់បទ «ចិត្តព្រៃផ្សៃ» មិនបានបញ្ជាក់នោះទេថា នឹងមានចម្រៀងប៉ុន្មានបទក្នុង​អាល់ប៊ុម​ចម្រៀងថ្មីនេះ ប៉ុន្តែលោកផ្តាំហ្វេនកុំឱ្យខកខានស្តាប់បទចម្រៀងថ្មីទាំងនោះពេលទម្លាក់លើទីផ្សារ។

សូមជម្រាបថា បច្ចុប្បន្ន ​ សុវត្ថិ មុនីវណ្ណ ជាតារាចម្រៀងកុងត្រាប្រចាំផលិតកម្ម Galaxy Navatra ជាមួយគ្នានឹងឪពុករបស់លោក។ «Don’t Compare» ជា​បទ​ចម្រៀង​ទី​១​របស់ មុនីវណ្ណ ក្នុងទ្រនំ Galaxy Navatra ដោយបទនេះទទួលបានប្រជាប្រិយភាពគួរ​សម។ ក្រៅពីនោះលោកក៏មានបទចម្រៀងថ្មីបញ្ចេញលើទីផ្សារជាហូរហែ ដូចជា «Sixteen Eighteen+», «Talk To Me», «Fireworks» និងបទ «My Angel» ជាចម្រៀងមនោសញ្ចេតនាផ្អែមល្ហែម អន្ទង់ចិត្តសុភាពនារីជាច្រើនឱ្យធ្លាក់អន្លង់ស្នេហ៍កំលោះសង្ហានេះ តាម​រយៈទឹកដមសំឡេងដ៏ពីរោះ៕

ប្រភពអត្ថបទ៖ AMS Infotainment