វណ្ណដា ចិត្តបានមែន! បទ «មេឃបើកថ្ងៃ» ជាបទរបស់ខ្លួន តែយល់ថាសមនឹង KWAN ទើបសុខចិត្តឲ្យ
វណ្ណដា ចិត្តបានមែន! បទ «មេឃបើកថ្ងៃ» ជាបទរបស់ខ្លួន តែយល់ថាសមនឹង KWAN ទើបសុខចិត្តឲ្យ
«មេឃបើកថ្ងៃ» ដែល ស្ថិត នៅ ក្នុង SONMALAI mixtape គឺជា បទដ៏ល្បីមួយ ក្នុងចំណោម ១០ បទ ដែល KWAN ទើបបញ្ចេញក្នុងទីផ្សារកាលពីដើមខែ មករា នេះ។ កាលពីពេលថ្មីៗនេះលោកវីដេអូ មួយបានប្រាប់ពីដំណើរការផលិត បទ «មេឃបើកថ្ងៃ» ជាការសហការជាមួយកំពូលតារារ៉េប វណ្ណដា។
KWAN បាននិយាយទាក់ទងនឹង បទ «មេឃបើកថ្ងៃ» ថាវាជាបទ របស់វណ្ណដាតែកំពូលតារារ៉េបរូបនោះមើលឃើញថាសមនឹងលោកហើយក៏ទម្លាក់មកឲ្យថតសំឡេង។ តារាប្រុសដែលមានប្រភពពីខេត្ត បន្ទាយមានជ័យស្រុកម៉ាឡៃរូបនោះបន្តថាក្រោយថតសំឡេងរួចឃើញថាបទនោះស៊ីនឹងខ្លួនខ្លាំងក៏សុំម្ចាស់បទ “6 YEARS IN THE GAME” ហើយវណ្ណដាក៏អនុញ្ញាតតែម្ដង។
ម្ចាស់ បទ “នឹក” បានបញ្ជាក់ថាបទរួមគ្នាជាមួយវណ្ណដាដែលកំពុងល្បី ខ្លាំងមួយនេះបានធ្វើជាមួយគ្នាយូរមកហើយ។ KWAN ប្រាប់បន្តថាក្រោយ record រួចលោកគិតថា បទ «មេឃបើកថ្ងៃ» ពិតជាឡូយ ហើយក៏សួរទៅកាន់តារារ៉េបវ័យ ២៧ ឆ្នាំ អាចឲ្យមកលោកបានអត់ហើយ វណ្ណដា ក៏យល់ព្រមតែម្ដង។ ដូចនេះហើយក៏ចេញជា បទ «មេឃ បើក ថ្ងៃ » ដែលមកទល់ពេលនេះមានអ្នកមើលជាង ២,៣ លាន ដង នៅលើ YouTube និង កំពុងជាប់ trending លេខ ៤ ទៀតផង។
និយាយដល់ SONMALAI mixtape KWAN បានបន្តថា ការជ្រើសរើសដាក់ SONMALAI mixtape មិនដាក់ជាអាល់ប៊ុម ឬ EP នោះ ក៏ព្រោះតែលោកយល់ថា ជា Episode ឬជាអាល់ប៊ុមវាគឺជាការសរសេរដែលមាន stroryline សាច់រឿងបន្តបន្ទាប់គ្នា។ ចំណែកការជ្រើសរើសដាក់ mixtape មានហេតុផល ២ យ៉ាង ទី១មិនដែលមានអ្នកណាធ្វើ mixtape ពីមុនមក ហើយលោកជាមនុស្សដំបូង។ ទី២ បទទាំង ១០ របស់តារាប្រុសឈ្មោះពិត សុវណ្ណគង់ មិនមែនសរសេរឡើងក្នុងពេលតែមួយ ឬក៏មានគម្រោងនឹងចេញម្ដងទាំងអស់ដូចនេះឡើយ មានន័យថា ១០ បទនេះ គឺលោកជ្រើសចេញពីបទទាំងអស់ដែលមានស្រាប់ ហើយយកមកដាក់ជាកញ្ចប់មួយ។ ដូច្នោះហើយទើប KWAN ហៅវាថា mixtape។
ចំណែកពាក្យថា SONMALAI ម្ចាស់បទ “យល់ច្រឡំ” ធ្លាប់បានបកស្រាយច្រើនដងហើយថា SON មកពីពាក្យថាកូនប្រុស MALAI ជាឈ្មោះស្រុកម៉ាឡៃដែលជាទីកំណើត មានន័យថាកូនប្រុសមកពីស្រុកម៉ាឡៃខេត្តបន្ទាយមានជ័យ។ មួយវិញទៀត SON+MALAI សម្រាប់ KWAN លើសពីន័យកូនប្រុសមកពីស្រុកម៉ាឡៃ តែជាសំឡេងធ្វើឲ្យលោកមានអារម្មណ៍អ្វីមួយ ទើបធ្វើឲ្យជ្រើសយកពាក្យ SONMALAI នោះតែម្ដង៕
ប្រភព ៖ AMS Infotainment
