បដិមាបុរាណ ២អង្គ កសិករបានប្រទះឃើញកប់ក្នុងដី មានអាយុកាលជាង ១ពាន់ឆ្នាំ នៅខេត្តតាកែវ
នៅព្រឹកថ្ងៃព្រហត្បត្តិ៍ ទី ៤ ខែមករា ឆ្នាំ ២០២៤ នេះ ឯកឧត្តម អ៊ុក សុខា អគ្គនាយកបេតិកភណ្ឌនៃក្រសួងវប្បធម៌និងវិចិត្រសិល្បៈ ដឹកនាំក្រុមការងារនៃនាយកដ្ឋានសារមន្ទីរ និងមន្ទីរវប្បធម៌ និងវិចិត្រសិល្បៈខេត្តតាកែវ សហការជាមួយនឹងស្នងការនគរបាលខេត្ត និងអាជ្ញាធរមូលដ្ឋានធ្វើការប្រគល់-ទទួលវត្ថុបុរាណចំនួន២អង្គ៖
១-ព្រះពុទ្ធរូបទ្រង់ភ្នែនសមាធិ៖ កម្ពស់ ០.៨ម ព្រះភ្នែន ០.៦៧ម
២-ព្រះពុទ្ធរូបទ្រង់ឈរ៖ កម្ពស់ ១.៥ម៉ែត្រ ជើងទម្រ ០.៦៧ម
បដិមាបុរាណទាំងពីរអង្គ ធ្វើពីថ្មភក់ ប្រហែលស្ថិតក្នុងសតវត្សទី៦ ឬទី៧ ក្នុងរចនាបថភ្នំដា ដែលបានប្រទះឃើញដោយប្រជាពលរដ្ឋរស់នៅក្នុងភូមិព្រៃទប់ ឃុំស្រង៉ែ ស្រុកទ្រាំង ខេត្តតាកែវ។ បច្ចុប្បន្ន វត្ថុបុរាណទាំងនេះ ត្រូវបានបញ្ជូនទៅតម្កល់ និងថែរក្សានៅសារមន្ទីរជាតិ រាជធានីភ្នំពេញ ទុកជាសម្បត្តិបេតិកភណ្ឌវប្បធម៌រូបីនៃជាតិ៕
ប្រភពអត្ថបទ ៖ AMS Infotainment