បន្ថែមពីលើការរីកចម្រើនផ្នែកសេដ្ឋកិច្ច តើកម្ពុជាមានការវិវត្តអ្វីខ្លះទៀតក្រោមម្លប់សន្តិភាព?
បន្ថែមពីលើការរីកចម្រើនផ្នែកសេដ្ឋកិច្ច តើកម្ពុជាមានការវិវត្តអ្វីខ្លះទៀតក្រោមម្លប់សន្តិភាព?
នៅក្នុងឱកាសអញ្ជើញជាអធិបតីក្នុងពិធី «បើកការដ្ឋានគម្រោងអភិវឌ្ឍន៍ក្រុងរណបនៅក្រុងអារិយក្សត្រ ខេត្តកណ្តាល» នៅព្រឹកថ្ងៃទី១៧ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ក្រោមម្លប់នៃសុខសន្តិភាពដែលបានកើតឡើងតាមរយៈនយោបាយឈ្នះ-ឈ្នះ របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ប្រទេសយើងបានវិវត្តយ៉ាងខ្លាំង មិនត្រឹមតែនៅក្នុងទិដ្ឋភាពនៃកំណើនសេដ្ឋកិច្ចប៉ុណ្ណោះទេ ប៉ុន្តែថែមទាំងការប្រែប្រួលមុខមាត់នៃសង្គមជាតិទៀតផង។
សម្តេចធិបតី ហ៊ុន ម៉ាណែត បានថ្លែងបន្តថា ជាក់ស្ដែង កន្លងមកបរទេសភាគច្រើនតែងលើកអំពីទិដ្ឋភាពនៃសង្រ្គាម របបប្រល័យពូជសាសន៍ ភាពក្រីក្រ ចម្ការមីន ។ល។ ប៉ុន្តែបច្ចុប្បន្ន បរទេសដែលមកលេងប្រទេសកម្ពុជាជាលើកដំបូង ពួកគេតែងតែមានការភ្ញាក់ផ្អើលយ៉ាងខ្លាំងទៅលើការរីចម្រើន ភាពទំនើបស៊ីវីល័យរបស់កម្ពុជាដែលខុសទាំងស្រុងពីអ្វីដែលពួកគេធ្លាប់បានលើក។ រីឯបរទេសដែលធ្លាប់មកលេងកម្ពុជាក៏មានការភ្ញាក់ផ្អើលជាមួយនឹងល្បឿននៃការរីកចម្រើនដ៏អស្ចារ្យរបស់កម្ពុជាទាំងក្នុងទីក្រុង និងតាមទីជនបទទៀតផង៕
